cscnivorcp unuked
Udwrwm/ITis UDcawa
eginIfunoa
cnWvcfws Ilwa
ejcaWrihevid caenwa 
Inwyil im cnihevid

ރާއްޖޭގައި ބެއްވޭ އެންމެ ބޮޑު ކައިވެނިގެ ހަފްލާ ބައްވަނީ

05 ނޮވެމްބަރ، 2010

ރާއްޖޭގައި މިހާތަނަށް ބޭއްވިފައިވާ ކައިވެނީގެ ހަފްލާތަކަށް ބަލާއިރު އެންމެ ބޮޑު ކައިވެނީގެ ހަފްލާ މިރޭ ދަރުބާރުގޭގައި ބޭއްވޭނެއެވެ. މިހަފްލާއަށްޓަކައި މުޅި ދަރުބާރުގެ އެކުގައި ބޭނުންކުރެވޭނެ ކަމަށް ވަނީ މައުލޫމާތު ލިބިފައެވެ.

މިކައިވެންޏަކީ ފަތުރުވެރިކަމުގެ ސިނާއަތުގެ އެންމެ ކުރީ ސަފުގައި ހުންނެވި އެއް ބޭފުޅެއްކަމަށްވާ އަޙްމަދު ޝިޔާމް (ސަންޓްރެވަލް ޝިޔާމް) އާއި ނާޒިޔާ މިރުޒާގެ ކައިވެންޏެވެ.

ނާޒިޔާ މިރުޒާ އަކީ މާލޭގެ ޤަދަރުވެރި ޢާއިލާއަކަށް ނިޞްބަތްވެ ވަޑައިގަންނަވާ ބޭކަނބަލެކެވެ. އަލްމަރްހޫމް ޙުސައިން މުސާ އާއި ޢުމްނިއްޔާ ނަޞީރުގެ ދަރިކަނބަލުން ފާޠިމަތު ޙުސައިން ދީދީގެ ދަރިކަނބަލުންނެވެ.

ޝިޔާމް އަކީ ވަރަށް އާދައިގެ ގޮތަކަށް ފަތުރުވެރިކަމުގެ ސިނާއަތުގާ މަސައްކަތް ފެށްޓެވި ބޭފުޅެއް ނަމަވެސް މިއަދު ޝިޔާމަކީ ފަތުރުވެރިކަމުގެ ސިނާއަތަށް އެންމެ ބޮޑަށް އިންވެސްޓްކުރައްވައިގެން ތިއްބެވި އިންވެސްޓަރުންގެ ލިސްޓުގައި ހިމެނިވަޑައިގަންނަވާ ބޭފުޅެކެވެ. މީގެ އިތުރުން ސަން އެފްއެމް، ސަންއެފްއެމް އޮންލައިން އަކީ ވެސް ޝިޔާމް ހިންގަވާ ޚިދުމަތްތަކެވެ.

ވިޔަފާރީގެ ޚިދުމަތުގެ އިތުރުން ޝިޔާމަކީ ރައްޔިތުންގެ މަޖިލީހުގައިވެސް މެންބަރުކަން ކުރައްވަމުން ގެންދަވާ ބޭފުޅެކެވެ. ކުރީ ދައުރުގައި ދ އަތޮޅުގެ މެންބަރުކަން ކުރެއްވުމަށްފަހު މިހާރު ޝިޔާމް އަކީ މީދޫ (ދ) ދާއިރާގެ މެންބަރެވެ.

ޝިޔާމް އަކީ އަބަދުވެސް ރައްޔިތުންގެ ތަރައްޤީއަށް އިސްނަންގަވައި އެހީތެރިވެދެއްވުމުގެ އިތުރުން ނިކަމެތިންނަށް އެހީތެރިކަން ފޯރުކޮށްދެއްވަމުން ގެންދަވާ ބޭފުޅެއް ކަމަށް ގިނަ ބަޔަކު ފާހަގަކުރެއެވެ.

ޑީއާރުޕީގެ ފުރަތަމަ ކޮންގްރެސްގައި ވަރަށް ވަރުގަދަ ސިޔާސީ އަދި މުއްސަނދި ވިޔަފާރިވެރިންނާއި ވާދަކުރައްވައިގެން ނާއިބުލީޑަރެއްގެ ގޮތުގައި އިންތިޚާބުވެވަޑައިގެން އެޕާޓީއަށް އަގުހުރި ޚިދުމަތްތަކެއް ކޮށްދެއްވުމަށްފަހު ޝިޔާމް ވަނީ ޕާޓީ ލައިން ދޫކުރައްވައި ސިޔާސީ ގޮތުން މިނިވަންވެ ވަޑައިގެންފައެވެ.

ނޮވެމްބަރު 3 ގެ ވާހަކަ ޑީއާރުޕީއިން ދައްކަން ފެށުމަކީ ނޭވާ ހޮޅިއަށް އެޅުން: ޑރ. ޝަހީދު

1988 ގެ ނޮވެމްބަރު 3 ގެ ވާހަކަ ޑީއާރުޕީ އިން ދައްކަން ފެށުމަކީ ޑީއާރުޕީ ނޭވާ ހޮޅިއަށް އެޅުން ކަމަށް ޚާރިޖީ ވަޒީރު ޑރ. އަޙްމަދު ޝަހީދު ވިދާޅުވެއްޖެއެވެ.

މިއަދުނޫހަށް ދެއްވި ޚާއްޞަ އިންޓަރވިޔުއެއްގައި ޑރ. ޝަހީދު ވިދާޅުވީ ރައްޔިތުންނަށް އަނިޔާވެރިވެ ޚިޔާނާތްތެރިވާ މީހުން އަދި އެފަދަ ފަރާތްތަކުން އަޑުއުފުލައި ރައްޔިތުންގެ ހައްޤާއި އަނިޔާގެ ވާހަކަ ދުނިޔޭގައި އަބަދުވެސް ދައްކަނީ ނޭވާ ހޮޅިއަށް އެޅުމުން ދެން ހަދާނެގޮތް ހުސްވުމުން ކަމަށެވެ.

މިކަމުގެ ހެކި މީގެ ކުރިން ރާއްޖެއިން ފެނި ތަޖުރިބާ ކުރެވިފައިވާކަން ހާމަކުރައްވަމުން ޑރ. ޝަޙީދު ވިދާޅުވީ 2008 ވަނަ އަހަރު ބޭއްވުނު ރިޔާސީ އިންތިޚާބުގެ ކެމްޕޭނުގެ އެންމެ ފަހުވަގުތު، ޤައުމީ ސަލާމަތަށްޓަކައި ރައްކާކުރެވިފައިހުރި ވީޑިއޯތައް ޓީވީ މޯލްޑިވްސް އިން ދެއްކުވީ ވެސް ނޭވާހޮޅިއަށް އެޅި ގޮތް ހުސްވުމުން އެކަމުންވެސް ރައްޔިތުންގެ ޚިޔާލާއި ފިކުރު ބަދަލު ކުރުވޭތޯ ކަމަށެވެ.

ޑރ. ޝަހީދު ވިދާޅުވީ މޫސާ ޖަލީލަށް ރައީސުލްޖުމްހުރިއްޔާ ޚިދުމަތުގެ “ރަން ކުލަ” ދެއްވުމުން މުސާ ޖަލީލާ ގުޅުއްވައި އެކަމަށްޓަކައި މަރުހަބާ ވިދާޅުވެފައިވާނެ ކަމަށެވެ.

ޑރ. ޝަހީދު ވިދާޅުވީ ” އަޅުގަނޑު ޤަބޫލުކުރާގޮތުގައި ނޮވެމްބަރު 3 ގެ ހާދިސާ ކުރިމަތިވުމުން ސިފައިން ވަނީ އެމީހުންގެ ވާޖިބު ވަރަށް ފުރިހަމައަށް އަދާކޮށްފައި. ޚާއްޞަކޮށް މުސާ ޖަލީލުމެން ފަދަ ބޭކަލުން ވަނީ ވަރަށް މަތިވެރި ޖިހާދެއް ކުރައްވާފައި” ކަމަށެވެ.

އަދި ޤައުމުގެ އެންމެ އަގުހުރި ދަރިއަކީ ޝަހީދު ހުސައިން އާދަމް ކަމަށް ޤަބޫލުކުރައްވާކަމަށްވެސް ޑރ. ޝަޙީދު ވިދާޅުވިއެވެ.

ޑރ. ޝަހީދު ވިދާޅުވީ ނޮވެމްބަރު 3 ގެ ހާދިސާއަކީ ފަހުގެ ތާރީޚުގައި ޤައުމަށް ކުރިމަތިވި އެންމަ ކަޅުކަން ގަދަ ހާދިސާ ކަމަށެވެ. އެކަމުގެ ސަބަބުން ކުރިމަތިވި ހިތާމަތައް ކުރިމަތިވީ ވަކި މީހަކަށް ނޫންކަމަށާ އެއީ ޤައުމުގެ އެންމެހާ ރައްޔިތުންނަށް ކުރިމަތިވި ހިތާމައެއް ކަމަށެވެ.

” އެފަދަ ބޮޑު ހާދިސާއެއް ހިނގައި ދިއުމުން އޭރު ވެރިކަމުގައި ތިބި މީހުން އެކަމުގެ ހަޤީޤަތް ހޯދައި ހާމަނުކޮށް ތިބެފައި މިއަދު އެކަމުގެ ވާހަކަތައް ދެއްކުމަކީ ވަރަށް ޒިންމާދާރުކަން ކުޑަކަމެއް. ކުރިއަށް މައުލުމާތު ލިބި އޮއްވައިމެ އެކަން ހުއްޓުވުމަށް އެއްވެސް ފިޔަވަޅެއް ނާޅައި އޭރުގެ ސަރުކާރުން ތިބުން އެއީވެސް އެހައިމެ ޒިންމާދާރުކަން ކުޑަކަމެއް. އެކަމުން އެނގެނީ އޭރުގެ ސަރުކާރުން އެކަމަށް އެއްވެސް ސަމާލުކަމެއް ނުދޭކަން” ކަމަށްވެސް ޑރ. ޝަހިދު ވިދާޅުވިއެވެ.

ޑރ. ޝަހިދު ވިދާޅުވީ ނޮވެމްބަރު 3 ގައި ކުރިމަތިވި އުދުވާނަކީ އޭރުގެ ސަރުކާރުން ޒިންމާދާރު ކަމާއެކު ހުއްޓުވަން މަސައްކަތްކުރިނަމަ ހުއްޓުވައި އެކަމުން ޤައުމު ސަލާމަތް ކުރެވެން އޮތް މައްސަލައެއް ކަމަށެވެ. އަދި ޤައުމީ ސަލާމަތާ ބެހޭ ކަންކަމުން “ސިޔާސީ ފުޓުބޯޅަ ކުޅެން ހެޔޮ ނުވާނެ” ކަމަށްވެސް ޑރ. ޝަހީދު ވިދާޅުވިއެވެ.

އައްޑު އަތޮޅަށް ސިޓީގެ ދަރަޖަ ދީފައި ވަނީ ގާނޫނާ ހިލާފަށް ކަމަށް ބުނެ އިލެކްޝަންސް ކޮމިޝަނަށް ރައްދުވާ ގޮތަށް ދައުލަތުގެ މައްޗަށް ދައުވާ ކޮށްފި

އައްޑު އަތޮޅަށް ސިޓީ ދަރަޖަ ދީގެން ލޯކަލް ކައުންސިލްތަކުގެ އިންތިހާބު ބޭއްވުމަކީ ގާނޫނާ ހިލާފު ކަމެއް ކަމަށް ކަނޑައަޅައި ދިނުމަށް އެދި އިލެކްޝަންސް ކޮމިޝަނަށް ރައްދުވާ ގޮތަށް ދައުލަތުގެ މައްޗަށް ދައުވާކޮށްފި އެވެ.

އަމިއްލަ ހައިސިއްޔަތުން މި ދައުވާ ކުރެއްވެވީ ގައުމީ ޕާޓީ ޑިޕިއުޓީ ލީޑަރު އިމާދު ސޯލިހެވެ.

އޭނާ ވިދާޅުވީ މި ދައުވާ މަދަނީ ކޯޓަށް އިއްޔެ ހުށަހަޅުއްވާފައިވާ ކަމަށެވެ.

އޭނާ ވިދާޅުވީ އޭނާ އާއި އިތުރު ފަރާތެއް ގުޅިގެން ފަރުދީ ގޮތުން ކޮށްފައިވާ ދައުވާ އަކީ އިލެކްޝަންސް ކޮމިޝަނަށް ރައްދުވާ ގޮތަށް ދައުލަތުގެ މައްޗަށް ކޮށްފައިވާ ދައުވާ އެއް ކަމަށާއި ދައުވާގައި އެދިފައި ވާނީ ސިޓީއެއްގެ ދަރަޖަ ދީގެން އިންތިހާބު ބާއްވަނީ ގާނޫނާ ހިލާފަށް ކަމަށް ކަނޑައަޅައި ދިނުމަށް އެދި ކަމަށެވެ.

"ދައުވާގައި މައިގަނޑު ތިން ގާނޫނީ ނުކުތާއެއް ހިމަނާފައިވާނެ. ސިޓީގެ ދަރަޖަ ދެވޭ ގޮތް ގާނޫނުގައި ކަނޑައަޅައިދީފައިވާ ގޮތާ ހިލާފަށް އައްޑު އަތޮޅަށް ސިޓީގެ ދަރަޖަ ދީގެން އިންތިހާބު މި ބާއްވާތީ. އެހެންވީމާ އަޅުގަނޑުމެން މި ދައުވާ ކުރީ. މައިގަނޑު ދައުވާއަކީ ދައުލަތުގެ މައްޗަށް ކުރާ ދައުވާއެއް އެހެންނަމަވެސް ދައުވާ ކޮށްފައިވާނީ އިލެކްޝަންސް ކޮމިޝަނަށް ރައްދުވާ ގޮތަށް،" އިމާދު ވިދާޅުވި އެވެ.

އިމާދު މަދަނީ ކޯޓަށް ދައުވާ ހުށަހެޅި ކަމުގައި ވިޔަސް އެ ދައުވާގެ ފޯމަށް މަދަނީ ކޯޓުން އަދި ޖަވާބު ދީފައެއް ނުވެއެވެ.